Social Media

“ഈ പ്രചരിക്കുന്നതൊന്നും എന്റെ അറിവോടും സമ്മതത്തോടും കൂടി അല്ല”; മഞ്ജു വാര്യർ പൊട്ടിത്തെറിക്കുന്നു..

തന്റെ പേരില്‍ ഫെയ്‌സ്ബുക്കിലുള്ള വ്യാജ ഐഡികള്‍ക്കെതിരെ നടി മഞ്ജു വാര്യര്‍. തന്റെ പേരില്‍ വ്യാജമായി ഉണ്ടാക്കപ്പെട്ടിട്ടുള്ള മറ്റ് ഐഡികളില്‍ പ്രചരിക്കുന്ന കാര്യങ്ങള്‍ തന്റെ അറിവോടും സമ്മതത്തോടുമല്ലെന്നും ഫെയ്‌സ്ബുക്ക് പേജില്‍ എഴുതിയ കുറിപ്പില്‍ മഞ്ജു പറഞ്ഞു.

എനിക്ക് ഏറ്റവും പ്രിയപ്പെട്ട, എന്നെ ഏറെ സ്‌നേഹിക്കുന്ന പ്രേക്ഷകരെ ഒരു കാര്യം അറിയിക്കാനാണീ കുറിപ്പ്.

ഫേസ്ബുക്കിലടക്കം പല സമൂഹ മാധ്യമങ്ങളിലും എന്റെ പേരില്‍ വ്യാജമായി ഉണ്ടാക്കപ്പെട്ടിട്ടുള്ള അനേകം പേജുകളെക്കുറിച്ച് അറിഞ്ഞു. അതെന്തിനാണെന്ന് എനിക്ക് അറിയില്ല. പ്രേക്ഷകരുമായി നേരിട്ടുള്ള ആശയവിനിമയത്തിനായി എനിക്ക് ഒരേ ഒരു ഢഋഞകഎകഋഉ എഅഇഋആഛഛഗ ജഅഏഋ മാത്രമേ ഉള്ളൂ. നിങ്ങള്‍ കാണുന്ന യഹൗല ശേരസ അടയാളം ആണ് ഇതിന്റെ ആധികാരികതയെ സാക്ഷ്യപ്പെടുത്തുന്നത് എന്നും മറ്റ് പേജുകളിലും മറ്റ് സമൂഹമാധ്യമങ്ങളിലും വരുന്ന ഓരോ പോസ്റ്റും എന്റെ അറിവോ സമ്മതമോ ഇല്ലാതെ ആണെന്നും എന്നെ സ്‌നേഹിക്കുന്ന, എന്റെ വാക്കുകള്‍ ശ്രദ്ധിക്കുന്ന ഓരോരുത്തരും അറിയണം എന്നെനിക്ക് ആഗ്രഹമുണ്ട്. നിങ്ങളുടെ പ്രാര്‍ത്ഥനയും പ്രോത്സാഹനവും ആണ് എന്നും എന്നെ മുന്നോട്ട് നയിച്ചിട്ടുള്ളത്. എന്നും ഇതുപോലെ എന്റെ ശക്തിയായി കൂടെയുണ്ടാകണമെന്നും പ്രാര്‍ത്ഥിക്കുന്നു.
സ്‌നേഹപൂര്‍വം…

നിങ്ങളുടെ സ്വന്തം
മഞ്ജു വാര്യര്‍.