Social MediaUncategorized

മണിച്ചേട്ടന്‍റെ വിവാഹ ദിവസം പറ്റിപ്പോയ ആ തെറ്റ്; വാതില്‍ തല്ലിപൊളിക്കാന്‍ ഇടയായ ആ സാഹചര്യം തുറന്ന് പറഞ്ഞ് അനിയന്‍ രാമകൃഷ്ണന്‍.

ഒരിക്കലും ഒരു മലയാളി പോലും മറക്കാത്ത ഒരു സിനിമാ താരം ആരാണെന്ന് കേരള സമൂഹത്തോട് ചോദിച്ചാൽ അവർക്ക് ഒരു പേരെ പറയാൻ ഉണ്ടാവുള്ളു. അതേ മലയാളികൾ ഒരിക്കലും മറക്കാത്ത ആ മുഖം കലാഭവൻ മണിയുടേത് ആണ്. കാലം കവർന്നെടുത്ത ആ മണിമുത്തിനെ ഇന്നും സ്മരിക്കാത്ത ഒരാൾ പോലും ഇല്ല. കലാഭവൻ മണി എന്ന മലയാള സിനിമാ പ്രേക്ഷകരുടെ സ്വന്തം മണിചേട്ടന്റെ വിവാഹ ദിനത്തിൽ നടന്ന രസകരമായ ഒരു ഓർമ്മ മണിചേട്ടന്റെ വിവാഹ വാർഷിക ദിനത്തിൽ അനിയനായ ആർ.എൽ.വി രാമകൃഷ്ണൻ സോഷ്യൽ മീഡിയയിൽ പങ്കുവച്ചു. ഒപ്പം ചേട്ടൻ കൂടെ ഇല്ലാത്തതിന്റെ സങ്കടവും..

കലാഭവന്‍ മണിയുടെ മരണത്തോടെ അനാഥമായി പോയ ഭാര്യ നിമ്മിയ്ക്കും മകള്‍ക്കും ഏറ്റവും ജ്വലിക്കുന്ന ഓർമ്മയാണ് വിവാഹ വാർഷികം. 1999 ഫെബ്രുവരി 4 നാണ് നിമ്മിയുടെ കഴുത്തി മണി താലി ചാര്‍ത്തിയത്. വര്‍ഷങ്ങള്‍ക്കു മുന്‍പുള്ള ആ  വിവാഹ ദിനത്തില്‍ നടന്ന രസകരമായ സംഭവം ആണ് സഹോദരന്‍ ആര്‍എല്‍വി രാമകൃഷ്ണന്‍ പങ്കുവച്ചത്.

മണിയുടേയും നിമ്മിയുടേയും വിവാഹ ഫോട്ടോ ഫെയ്‌സ്ബുക്കില്‍ പോസ്റ്റ് ചെയ്താണ് രാമകൃഷ്ണന്‍ രസകരമായ ആ സംഭവം പറഞ്ഞത്. ഇന്ന് മണിച്ചേട്ടന്‍റെ  വിവാഹ വാര്‍ഷികം എന്നു പറഞ്ഞാണ് പോസ്റ്റ് ആരംഭിക്കുന്നത്. ഈ ഫോട്ടോ കാണുമ്പോള്‍ രസകരമായ ഒരു സംഭവം ഇന്നലെ നടന്നതു പോലെ ഓര്‍മ വരുന്നു. മണി ചേട്ടന്റെയും ചേടത്തിയമ്മയുടെയും പുറകില്‍ നില്‍ക്കുന്നവരുടെ മുഖഭാവം ശ്രദ്ധിച്ചു നോക്കുക! കണ്ണാടി വച്ച്, മുല്ലപൂ തലയില്‍ വച്ചത് അമ്മയും, ഓറഞ്ച് സാരി ഉടുത്തത് ഞങ്ങളുടെ മൂത്ത സഹോദരിയും പച്ച സാരി ഉടുത്തത് മൂത്ത ചേട്ടത്തിയമ്മയും ആണ്.

താലി കെട്ട് കഴിഞ്ഞ് മന്ത്രകോടി അന്വേഷിച്ചപ്പോള്‍ കാണുന്നില്ല. ആകെ ടെന്‍ഷനായി ജനങ്ങളും സിനിമാതാരങ്ങളും തിങ്ങി കൂടി നില്‍ക്കുന്നു. കല്യാണ തിരക്കില്‍ മന്ത്രകോടി വീട്ടില്‍ നിന്ന് എടുക്കാന്‍ മറന്നു പോയി. ഒടുവില്‍ മന്ത്രകോടി എടുക്കാന്‍ ഞാന്‍ വീട്ടിലേക്ക് ഓടി. അവിടെ ചെന്നപ്പോള്‍ വാതില്‍ താക്കോലിട്ടു പൂട്ടിയിരിക്കുന്നു. ഒടുവില്‍ അമ്മിക്കുഴ എടുത്ത് അടുക്കള വാതിലിന്റെ പൂട്ട് തല്ലി പൊളിച്ച് മന്ത്രകോടിയും എടുത്ത് കല്യാണം നടക്കുന്ന കോസ് മോസ് ക്ലബിലെത്തി. വിവാഹം കഴിഞ്ഞ് ഈ കാര്യം ചേട്ടനോടു പറഞ്ഞപ്പോള്‍ കൂട്ടച്ചിരിയായി.